Гэта на зямлі былы прэзідэнт Літвы Паксас – закаранелы грэшнік, якому нават у парламент не дазволена абірацца. У небе ж ён, па ранейшаму – лётчык-ас.

Нібыта “бог з машыны”, спускаецца Пасксас на верталёце у самую гушчу выбарчае кампаніі. Прыляцеў у Марыямпале і сеў акурат пасярод цэнтральнага пляцу.

У адказ на абурэнне “простых грамадзянаў” дарадца мясцовага мэра адказаў: “накладачка выйшла”. Планавалася, што верталёт прызямліцца на стадыёне, але там акурат размясціўся цырк з атракцыёнамі.
Журналісты кажуць, што паксасаў дазвол на пасадку ў Марыямпалі – чыстая ліпа з “заднім чыслом”. Але экстравагантнаму экс-прэзідэнту гэта ні ў адным вуху, не старшней за імпічмент.

Раландас Паксас, адпраўлены ў адстаўку вясною 2004 г, сапраўды не мае права пажыццёва займаць ўрадавыя пасады. Аднак жа, ён кіруе адной з найбуйнейшых у Літве партыяў і ва ўсялякіх кампаніях актыўна ўдзельнічае. Былы чэмпіён СССР у 2006 г нават за 47 дзён абляцеў зямны шар.

(паводле матэрыялу kurier.lt)