Нягледзячы на тое, што “Еўрабачанне” ўжо адгрымела, дзе-нідзе яшчэ гэта тэма працягвае хваляваць людзей. У Літве, напрыклад, нядаўна было праведзенае апытанне на тэму адносінаў насельніцтва да конкурсу.

Амаль дзве траціны (62%) жыхароў Літвы лічаць, што ў краіны павінен быць свой прадстаўнік на песенным конкурсе "Еўрабачанне". Адначасова 37% апытаных сказалі, што Літве ў гэтым конкурсе наогул не варта прымаць удзел.

За ўдзел Літвы ў конкурсе выказваюцца ў асноўным маладыя людзі да 35 гадоў, з вышэйшым адукацыяй Мужчыны, а таксама людзі старэйшага веку часцей выказваліся скептычна пра ўдзел Літвы ў "Еўрабачанні".

Палова апытаных жыхароў краіны (50%) не змаглі назваць выканаўца або групу, якія, на іх меркаванне, лепш за ўсё бы прадставілі краіну на песенным конкурсе ў наступным годзе. 18% рэспандэнтаў адзначылі, што гэта павінен быць добра вядомы ў краіне выканаўца.

Апытанне было праведзена фірмай Spinter tyrimai, на замову партала DELFI.

(па паведамленнях літоўскіх СМІ)