Украінскі партал ZAXID.NET паведаміў, што дэпутаты гарсавета Луцка аб’явілі вайну старым назвам вуліц абласнога цэнтра. 3 верасня падчас паседжання сесіі яны будуць прымаць рашэнне аб змене назваў вуліц. Пра гэта вялося ў прэс - клубе рэформ Луцка падчас прэс-канферэнцыі дэпутатаў.

Улады Луцка плануюць пераназваць вуліцы: Бажэнкі (верхняя частка) ў Акруговую, Парыжскай Камуны - Уласа Самчука, Урыцкага - Юрыя Тютюніка, вуліцу Бялінскага - Наталлі Ўжвій.

Вуліцу імя заснавальніцы Міжнароднага Дня жанчын Клары Цэткін прапаноўваюць пераназваць у вуліцу Чырвонай Каліны, а таксама пазней прыцягнуць школьнікаў і моладзь да стварэння на гэтай тэрыторыі каліновага гаю. Таксама зменіць назоў вуліца Кліма Савуры: ніжнюю частку назавуць у гонар Ніла Хасевіча, а верхнюю - Тараса Бульбы-Бараўца. Вуліца Чапаева можа атрымаць назоў сялібы, якая была тут у ХІІ стагоддзі - Варвароўкі.

(па паведамленнях украінскіх СМІ)