Алімпійскі год стаў для Украіны ўрадлівым. Алімпійцы Ўкраіны на гэты час маюць 27 медаляў - 7 залатых, 5 срэбных 15 бронзавых. Гэта дазволіла ёй заняць пачэснае адзінаццатае агульнакаманднае месца.

"Гэта найлепшы вынік за ўсю гісторыю незалежнасці нашай краіны. Таму хачу падзякаваць усім спартоўцам, трэнерам, лекарам, масажыстам, прэзідэнтам федэрацый, Міністэрствам, усім хто прымаў непасрэдны ўдзел у падрыхтоўцы алімпійцаў", - адзначыў прэзідэнт Нацыянальнага алімпійскага камітэта Ўкраіны Сяргей Бубка, падчас абвяшчэння вынікаў выступу ўкраінскіх спартоўцаў на Алімпіядзе.

Разам з тым, падчас выступу некалькі разоў згадвалася пра праблемы ва ўкраінскім спорце на якія трэба неадкладна рэагаваць. Перш за ўсё гэта тычыцца праблемы допінга, якая стала актуальнаю падчас Алімпіяды. Адразу два ўкраінскіх спартсмэна – Людміла Блонская і Ігар Разаронаў - былі выкрыты як спажывальнікі допінгу. У Людмілы Блонскай за ўжыванне допінгу адабралі срэбны медаль.

(па паведамленнях украінскіх СМІ)