На пункце пропуску "Ціса", што на мяжы з Вугоршчынай 21 жніўня з-за парушэння мытных правіл украінскія мытнікі канфіскавалі амаль 4,5 тоны растваральнай кавы.

Перавозіў растваральную кантрабанду грамадзянін Вугоршчыны на грузавіку "Рэно" з прычэпам. У міжнароднай таваратранспартнай накладной быў заяўлены груз "кава натуральная распушчальная "Пятроўская слабада" у шкляных слоіках" колькасцю 4224 пачак па 12 слоікаў у кожным. Агульная сума - 4 474 даляраў ЗША.

Аднак падчас паглыбленага прагляду ў кабіне аўтамабіля сярод іншых дакументаў, была выяўленая аўстрыйская экспартная дэкларацыя на адзначаны груз, аформленая мытнымі органамі Вугорскай Рэспублікі, паводле якой цана грузу была 152 461 эўра. Такім чынам, пацверджаны факт, што тавар увозіўся на тэрыторыю Ўкраіны з прыніжэннем кошту. Грузавы аўтамабіль, прычэп і тавар канфіскаваныя, маёмасць і тавар ацэненыя ў 1 мільён 439 тысяч грыўняў.

(па паведамленнях украінскіх СМІ)