Ці рэальна Эстоніі адмовіцца ад расейскага газу? Шмат хто з экпертаў сцвярджае, што гэта рэальна. Напрыклад, такой думкі прытрымліваецца Генеральны сакратар Эстонскага саюзу ўласнікаў Тааві Мадзібэрк. Ён лічыць, што Эстонія замест таго, каб паліць расійскі газ, павінна пабудаваць уласную атамную электрастанцыю.

"Не адразу, вядома, але рэальна. Трэба эканамічна стымуляваць пошук таннейшых і надзейных альтэрнатыў. А пакуль будзе будавацца АЭС, мы павінны выкарыстоўваць комплекс магчымасцяў: будаваць тэрмінал для звадкаванага газу, палепшыць злучэнне з энергасістэмамі іншых краін", - сказаў Тааві Мадзібэрк.

А вось адзін з дырэктароў Eesti Gaas Сяргей Заграбайлаў прытрымваецца цалкам супрацьлеглага пункта гледжання, адстойваючы інтарэсы галіны. "Не, гэта немагчыма", - кажа ён. На яго меркаванне, газ быў і застаецца самым зручным відам паліва і адносна недарагім, нават з улікам моцнага падаражэння, а значыць, ён застанецца найбольш канкурэнтаздольным.

(па паведамленнях эстонскіх СМІ)