У Талінскай турме НЗ. Вязні абвясцілі галадоўку ў знак пратэсту супраць таго, што ежу ў сталовай ім раздаваў “певень" - зэк, якога астатнія выкарыстоўваюць дзеля задавальнення сваіх сэксуальных патрэбаў.

Адміністрацыя турмы са свайго боку заяўляе, што паставіла згаданага зэка на раздачу ежы ненаўмысна, кіруючыся правілам падаваць зняволеным працу з улікам іх прафесійных навыкаў, каб, выйдучы на волю, ім было лягчэй працаўладкавацца.

Адзначаецца, што зняволеныя працягваюць сілкавацца прадуктамі з турэмнай крамы, карыстаючыся з дазволу раз на тыдзень купляць там прадукты. Той факт, што турэмнага “кельнэра” выкарыстоўваюць з сэксуальнай мэтаю, да канца не ўсталяваны. Праводзіцца следства. Увогуле, як адзначаюць у турэмнай адміністрацыі, "галадоўка" выкліканая не столькі крыўдай на тое, што ежу раздаваў "брудны" зэк, колькі памкненнем некаторых зняволеных, перададзеных з Вірускай турмы, умацаваць свой аўтарытэт на новым месцы.

(па матэрыялах эстонскіх СМІ)